Hin beina þýðing á haṭha yoga er “þvingun”. Myndlíkingarþýðing er sól og tungl.
En hvað er þvingað? Orðið lítur ekki að líkamsstjórn, því hatha stendur fyrir tvennt: Prāṇa og vāsanā. Fyrra orðið þýðir að innra með hverri manneskju er flæði sem stjórnast eftir, ytri skynfærum (karma indriya) ástandi líkamans og flæði hugans (citta). Seinna orðið (vāsanā) þýðir að huggervi okkar eða hugmynd um hver ég er svo fast fyrir að það er enginn leið að brjóta upp skilyrðingu okkar eigin huga, vasana þýðir ekki beint huggervi en vísar mun frekar í djúpminningar sá hluti sem hefur að mörgu leyti formað okkur í það sem við erum í dag.

Það sem er þvingað er prāṇa í vissan farveg eða að miðrásinni, þetta er að mörgu leyti ekki eðlilegt ástand því prana flæðir yfirhöfuð í takt við skynjun og hugarflæði. Þessi ástundun er tantrísk í eðli sínu því hún lítur þeim lögmálum að umbreyta eigin orkuástandi. Við umbreytum flæði prana frá huggervum og að ástandi sem kallast prana sthit eða stöðugleiki prana. Þessi umbreyting leiðir til að hugargervi mitt splundrast og eins og Yoga sutra segir kṣīyate prakāśa “skýjahulan hverfur og ljósið skín í gegn”, og það sem er vanalega skynjað sem ÉG deyr.

Krishnamacharya var endurreisnarmaður í Yoga ástundun, hann færði saman tvo heima haṭha og rāja. Fyrra fyrirbærið eða hatha er orkulegt eða prana og seinna raja er citta eða mannshugur. Í þessari aðferð þá breytum við ekki eigin huga með stoðkerfisæfingum, heldur með færslu á innri orku, það leiðir að ljósið skín í gegnum huluna.

 

einkatímar í jóga.

Einkatímar í jóga er tiltöllulega nýlunda á jógamarkaðnum í dag. 1 – Á – 1 módelið er hinsvegar eins og jóga var kennt til forna. Beint samband milli kennara og nemanda. Nemandinn fór til kennarans með ósk um iðkun, til að læra jóga eða auka heilsu. Eða fyrir heilsulausnir þar sem iðkandinn leitaði heilunnar við þjáningu sinni. Kennarinn sneið rútínur og plön og nemandinn hóf iðkun heimafyrir sjö daga vikunnar. Einkatímar í jóga er kennsluferlið í 1 – Á – 1

Við komum í jógaiðkun yfirhöfuð með markmið í huga.

1. Eitthvað sem þú vilt ná eða öðlast.
2. Eitthvað sem þú vilt auka og bæta.
3. Eða eitthvað sem þú vilt losa þig við.

Til dæmis þú vilt ná hugarró og öðlast innri frið. Þú vilt auka sveigjanleika, bæta styrk og hreyfanleika. Sum af okkur leitum að heilsulausnum eins og, að draga úr bakverkjum eða öðrum stoðverkjum. Eða losa þig við streitu og kvíða, eða jafnvel að bæta svefn og auka orku. Markmiðin eru mörg og mismunandi, og það fer algjörlega eftir því hver á í hlut.

 

markmið og markmiðssetning.

Það er gott að hafa skýr markmið þegar kemur að iðkun. Þegar markmiðið er skýrt, er mjög mikilvægt að þú hafir réttu verkfærin. Svo þú getur unnið beint að því markmiði sem þú leitar að. Því mismunandi verkfæri jógaiðkunar hafa mismunandi áhrif á okkur.

Til dæmis við veljum einfaldar hreyfingar og stutta iðkun (15-20 mínútur á dag), til að draga úr bakverkjum. Við veljum krefjandi hreyfingar til að byggja upp styrk fyrir höfuðstöðu (45 mínútur á dag). Til að draga úr streitu veljum við einfalda öndunarmiðað iðkun (15-20 mínútur 1-2 á dag). Og fyrir hugleiðslu, veljum við æfingar til að þróa stöðuga setu, einfaldar öndunaræfingar til að byggja upp gjörhygli, og jafnvel möntru eða kyrjun til að kyrra hugann (30-45 mínútur á dag). Verkfærin eru mörg og mismunandi og mikilvægt er að velja réttu verkfærin svo markmiðið verði að veruleika.

1-á-1 er markmiðuð kennsluaðferð, sem miðlar réttum verkfærum jógaiðkunar, að þeim markmiðum sem þú leitar að.

 

byrjunarpunkturinn!

Þegar markmiðið er skýrt þurfum við að ákvarða byrjunarpunktinn hjá þér, við skoðum hann frá fjórum þáttum.

1. Hver er heilsa þín eða heilsusaga þín, líkamlega sem og huglægt.
2. Hver er geta þín í hreyfingu og öndun, til dæmis ertu í reglulegri hreyfingu eða engri hreyfingu.
3. Hversu mikinn tíma hefur þú til aflögu til iðkunar.
4. Hver er þinn lífsstíll og hvernig passar jógaiðkun í hann.

Hversu mikið viltu fjárfesta þínum tíma og orku til að ná fram þínum markmiðum.

Byrjunarpunkturinn er mikilvægastur,  hann ákvarðast út frá. Þinni heilsu, þínum markmiðum og þínum lífsstíl. Þegar byrjunarpunkturinn er skýr, ákvarðast allt þjálfunarferlið út frá honum.

 

ferlið

Eitt af aðalatriðum í 1-á-1 er ferli. Ferlið er einungis kennt í einkatímum, milli kennara og nemanda. Þegar byrjunarpunkturinn er fundinn hefst ferlið. Kennarinn sníðir rútínur og plön, samkvæmt þínum markmiðum. Síðan er vandlega farið yfir rútínurnar og þér kennd undirstöðuatriði í iðkun. Eftir það er iðkunin skýr og þú getur farið heim og hafið iðkun.

Þú hefur iðkun sjö daga vikunnar á þeim tilsetta tíma sem þú og kennarinn funduð út. Eftirfylgd, og viðbætur í rútínu og plönum er stór þáttur í áframhaldandi kennslu. Þar ert þú undir nánu eftirliti kennara, kennarinn tryggir að æfingarnar séu rétt framkvæmdar og beitingin samkvæmt þínum líkama.

Eins og öll list þá þarfnast hún daglegrar þjálfunar til að ná að spíra og dafna. Eftirfarandi atriði eru lykillinn til að ná settum takmörkum.

1. 20 mínútur á dag eða lengur.
2. Á hverjum degi.
3. Hluti af lífsstíl.
4. Yfir lengri tíma, 3-6 mánuðir fyrir skammtíma markmið, 2-5 ár fyrir langtíma markmið.

Þráin og löngunin til umbreytingar, þarf að vera stöðugt í vitund okkar svo hún verði að raunveruleika. Gjörhyglin í jógaþjálfuninni heldur henni skýrt í vitund okkar!

“The viniyoga of Yoga is a process rather than just a collection of techniques.”

Paul Harvey

Jógatími á netinu, með boganum og axlarstöðu. Við gerðum þennan tíma 2014 en hann leit aldrei dagsins ljós. Andardrátturinn er í lágmarki, þannig iðkunin miðast meira að forminu. Auðveld öndunaræfing í lokinn.

 

Ef þér finnst þessi tími of langur, bendum við á tvo styttri tíma. Hryggvinda eða bakfettur, eða ef þú ert í skapi fyrir slökun gerðu þá þessa 30 mínútna djúpslökun. Sjáið youtube rás fyrir alla tímana hjá okkur.

20 mínútna iðkun sem best er að gera fyrripart dags. Iðkunin er kallast öndunarmiðuð iðkun, og takturinn í öndun er inn 6 og út 8 í öllum hreyfingum. Þetta er millistigsrytmi og fyrir suma of langur. Endurtakið iðkunina reglulega og verið stöðugt að bæta ykkur í öndun og hreyfingu. Þið getið heyrt mjúka öndunarhreyfingu hjá Talyu sem getur hjálpað ykkur að skynja taktinn.

Jóga á netinu

Jóga á netinu, þetta er okkar fyrsta framlag til nettíma. Þessi iðkun getur verið framkvæmd í byrjun dags og síðan snúa sér að næstu athöfn dagsins. Eða iðkunin getur verið framkvæmd seinnipartinn og þá er hægt að bæta við prānāyāma eða hugleiðslu

 

Ef þér finnst þessi tími of langur, bendum við á tvo styttri tíma. Hryggvinda eða bakfettur, eða ef þú ert í skapi fyrir slökun gerðu þá þessa 30 mínútna djúpslökun. Sjáið youtube rás fyrir alla tímana hjá okkur.

Talya ústkýrir samasthiti

 

Gummi fjallar stuttlega um hvernig hann kom að vinijóga. Frá því að hafa verið daglegur iðkandi í um 7 ár, hvernig hann vara að leita að heilsteyptri hefð, sem sameinaði öll verkfæri jóga sem iðkun og sem lífsspeki. Og hvernig hann fann vinijógahefðina og áttaði sig á dýptinni og umbreytingarmætti hennar.

 

Sjáið hlekk fyrir bio hjá Gumma eða kynnið ykkur 1 – Á – 1 eða ef þið viljið fá þessi vikulegu videó pistla í pósthólfið hjá ykkur skráið ykkur þá á póstlistann hjá okkur að neðan.

Þegar iðkandi kemur í einstaklingsmiðaða iðkun, þá þarf að taka til greina hvar hann er staddur í aldurs ferlinum.

Aldursferillinn hefur þrjú stig: sṛṣṭi, sthiti og antya. Iðkunin ákvarðast að hluta til, hvar í aldursferlinum iðkandinn er staddur.

Þegar kemur að hópiðkun þá tökum við ekki mið af aldursferlinum heldur kennum frekar eftir námskrá. Ef við horfum á forsendur aldursferilsins, þá getur einstaklingsmiðuð iðkun komið nær lífi iðkandans, miðað við ramma hvers aldurferils fyrir sig.

Hațha

Þýðing: þvingun, það sem er þvingað

Samlíking: ha sól, tha tungl

Hatha vísir í vissa aðferðarfræði þar sem unnið er með innri orkuferla, eða þeim stýrt í ákveðin farveg, hvort sem það er í líkama, starfsorku eða huga.

“Haṭha Yoga is Prāṇāyāma.”
– Śrī T Krishnamacharya