5 - 7 APRÍL

Kriya yoga hugleiðslu helgi

 

Hvað er kriya yoga?

 

Kriya yoga er er hugleiðslutækni þar sem öndun, einbeiting og léttar líkamsæfingar fara saman. Með því að stunda Kriya yoga er hægt að hafa stjórn á orku líkamans og hugans til þess að auka andlegan styrk. Kriya yoga er örugg og árangursrík leið til sjálfsþekkingar og uppljómunar. Aðferðin er geysilega áhrifarík og ekki þarf að iðka hana í langan tíma til að ná árangri.

Kriya yoga…

• • er hugleiðslutækni sem byggir á röð ákveðinna æfinga

  • hjálpar þér að ná stjórn á andardrættinum og róar hugann

  • er ferli fyrir huglæga hreinsun

  • hjálpar þér að hafa stjórn á veraldlegum löngunum

  • miðar að skilningi á Sjálfinu

  • er ekki trúarbrögð, hver og einn heldur sinni trú hver sem hún er

  • veitir þér vitneskju um uppruna sálarinnar

  • veitir þér aukinn styrk gegn sjúkdómum

  • eykur andlegt innsæi

  • hefur jákvæð áhrif á huga, hjarta og líkama

  • er tækni, sem fengin er í gegnum óbrotna keðju uppljómaðra meistara

  • er einungis kennd með beinu sambandi við Kriya yoga kennara

 

Orðið Kriya er úr Sanskrít sem er fornt indverskt tungumál. Kriya er samsett úr rótum tveggja orða. Kri merkir að leggja rækt við hin daglegu störf í lífinu og ya merkir að vera vakandi yfir hinum ósýnilega Guði innra með þér. Yoga þýðir sameining hins ósýnilega líkama (sálar) og hins sýnilega efnislega líkama.

 

---

 

Hvar get ég lært Kriya yoga ?

Helgina 5. – 7. apríl er Histas Damania væntanlegur hingað til lands og mun hann leiðbeina fólki í Kriya yoga, vígja þá sem þess óska halda fyrirlestra og leiða hugleiðslur. Histas er einstaklega kærleiksríkur og orkumikill kennari sem ferðast vítt og breytt um heiminn og vígir fólk inn í Kriya Yoga.

 

 

 

Kynningarfyrirlestur verður haldinn föstudaginn 5. apríl kl. 20:00 í Art of yoga Skipholti 35.
Frítt er inn á Fyrirlesturinn og er öllum opinn.
Innvígsla og kennsla í Kriya yoga fer fram dagana 6. – 7. apríl.

 

Vígsla fer fram að morgni laugardagsin 6. apríl 2024. Þeir sem óska eftir vígslu þurfa að hafa með sér eftirfarandi gjafir :

• Fimm blóm sem tákn fyrir skynfærin .
• Fimm ávexti sem tákn fyrir athafnasemi.
• Og 35.000.- kr. sem tákn fyrir líkamann.

 

Gott að hafa með sér teppi og kodda og vera í þægilegum fötum.

Eldri nemendur eru að sjálfsögðu velkomnir. (2000 hugleiðslan fyrir eldri nemendur)