Þessar fríu vinnustofur eru opnar öllum í fjarþjálfun á Zoom.
Þær kynna þrjú lykilatriði í þróun Haṭha Jóga iðkunar: hrygg, öndun og hugleiðslu.
Menu
Þessar fríu vinnustofur eru opnar öllum í fjarþjálfun á Zoom.
Þær kynna þrjú lykilatriði í þróun Haṭha Jóga iðkunar: hrygg, öndun og hugleiðslu.
Í Haṭha Jóga byggist þróun iðkunar á þremur stoðum: hryggnum, önduninni og huganum.
Í vinnustofunum skoðum við hvernig þessir þrír þættir vinna saman og hvernig þeir geta þróað bæði líkama og huga.
Á þessari 90 mínútna vinnustofu skoðum við hryggsúluna sem miðju hreyfingar, öndunar og líkamsvitundar í jógískri iðkun.
Við lærum að hreyfa okkur frá miðju líkamans, þar sem hreyfing á upptök í hryggnum sjálfum fremur en í útlimum eða ytri formi. Þegar hreyfing og öndun vinna saman á þennan hátt verður líkaminn bæði stöðugri og frjálsari.
• hvernig hreyfing á upptök í hryggnum
• hvernig öndunin styður hreyfingu
• grunnatriði úr jógískri líkamsfræði
• hvernig líkamsvitund dýpkar í iðkun
Vinnustofan hentar öllum sem vilja skilja hvaðan hreyfing kemur og byggja upp stöðuga og sjálfbæra iðkun.
Í Haṭha Jóga er öndunin grunnur alls. Ef öndunin er ekki virt og vernduð nær iðkunin aldrei sinni raunverulegu dýpt.
Á þessari vinnustofu skoðum við öndun sem grunnkerfi lífs, heilsu og jógískrar iðkunar. Þátttakendur fá skýran ramma til að skilja hvernig öndun tengist líkama, orku og huga.
• samband öndunar og hryggjar
• hlutverk þindar í öndun
• hlutverk CO₂ í öndun
• muninn á studdri öndun og ofkeyrðri öndun
• hvað er Prana og hvernig Haṭha Jóga vinnur með öndun sem lífsorku
Vinnustofan hentar bæði iðkendum og kennurum sem vilja dýpri skilning á öndun.
Í Haṭha Jóga er hugleiðsla ekki upphafspunktur heldur afleiðing. Hún verður möguleg þegar líkami og öndun styðja stöðugleika hugans.
Á þessari vinnustofu skoðum við hvernig hugleiðsla þróast þegar athygli fær stoð, líkaminn verður stöðugur og öndunin kemst í jafnvægi.
• hvernig Haṭha Jóga undirbýr hugleiðslu
• þróun setstöðu
• samband öndunar og hugans
• einfalt kerfi sem hægt er að færa inn í daglega iðkun
Vinnustofan hentar öllum sem vilja byggja upp stöðuga og sjálfbæra hugleiðsluiðkun.
Ef þú vilt ekki bíða geturðu einnig fengið aðgang að upptökum af vinnustofunum.
