1 á 1 – Verð

Flestir byrja með einn mánuð til að kynnast aðferðinni og finna hvort hún henti þeim.
Við mælum þó oft með þremur mánuðum til að byggja upp stöðugleika í iðkun og ná dýpri, varanlegri breytingum.

Margir finna jákvæðar breytingar innan nokkurra vikna, en djúp og stöðug þróun byggist á reglulegri ástundun yfir tíma.

Það er engin langtímaskuldbinding – þú ákveður alltaf næstu skref út frá eigin reynslu.

Já. Margir byrja með einn mánuð til að kynnast aðferðinni og finna hvernig hún virkar fyrir þá.
Ef iðkunin hentar þér, lengjum við ferlið í samráði og mótum næstu skref út frá reynslunni.

Þjálfun á staðnum býður upp á meiri nánd þegar kemur að líkamlegri leiðréttingu og nákvæmri vinnu með hreyfingu og stöður.

Fjarþjálfun hentar hins vegar mjög vel í Öndunarleiðinni og Bataleiðinni, þar sem áherslan er á öndun, taugakerfi, skilning og markvissa uppbyggingu.

Til að styðja við þjálfun hvers og eins tökum við myndbönd og teiknum upp æfinga- og iðkunaráætlanir, þannig að ekkert tapist og enginn misskilningur verði í ferlinu.

Fjarþjálfun hentar sérstaklega vel fyrir þá sem búa utan borgarinnar, eru með stífan vinnudag eða vilja spara ferðatíma – án þess að fórna gæðum.

Við biðjum alla nemendur að tilkynna með 48 klst. fyrirvara ef þeir komast ekki í tíma. Ef ekki er tilkynnt með þeim fyrirvara telst tíminn tapaður.

Ef tilkynnt er með góðum fyrirvara reynum við að finna annan tíma innan sama mánaðar.

Stundum kemur þó upp veikindi eða ófyrirséð ástand. Í slíkum tilfellum sýnum við sveigjanleika og þá getur ferlið einfaldlega teygst örlítið, þannig að fjórar vikur verði að fimm — án þess að þrýsta á líkama eða taugakerfi.

Við förum alltaf yfir þetta í upphafi samstarfs, þannig að væntingar beggja aðila séu skýrar og ferlið haldist raunhæft og mannlegt.

Já. 1-á-1 aðferðin byrjar alltaf þar sem þú ert í dag — ekki þar sem þú heldur að þú eigir að vera.

Við vinnum með þína raunverulegu stöðu: styrkleika, takmarkanir, orku og líðan. Þetta er kjarninn í 1-á-1 vinnu:
iðkunin er aðlöguð að þér — ekki þú að aðferðinni.

Við stillum bæði hreyfingu og öndun þannig að hún styðji líkamann þar sem hann er staddur núna og byggjum upp færni, styrk og skilning í skrefum sem eru raunhæf og sjálfbær.

Þú þarft ekki að vera „komin/n af stað“ til að byrja — það er einmitt það sem 1-á-1 vinnan er fyrir.

Við höfum unnið í yfir 17 ár með fólki sem glímir við margvísleg einkenni, þar á meðal bakverki, slitgigt, vefjagigt, streitu, kvíða, þunglyndi, svefnvanda og önnur langvinn einkenni.

Í 1-á-1 vinnu snýst þetta ekki fyrst og fremst um greiningar eða merkingar, heldur um að byrja þar sem þú ert — með þínum raunverulega líkama, orku og líðan.

Þegar iðkunin er stillt út frá þínum upphafspunkti og þróuð í skrefum sem líkaminn ræður við, opnast oft mun fleiri möguleikar en fólk heldur í upphafi.

Við vinnum alltaf af varfærni, virðingu og í samráði við aðrar meðferðir ef við á.

Já, algjörlega. 1 á 1 iðkun getur stutt og styrkt aðrar meðferðir, til dæmis sjúkraþjálfun, sálfræðivinnu eða aðrar þjálfunarleiðir sem þú ert í.

Við hjálpum þér að sjá hvernig þetta vinnur saman, þannig að iðkunin bæti við ferlið í heild — án þess að þú ofreynir þig eða drægir úr bata og jafnvægi