Paul Harvey

Paul hefur verið kennari, iðkandi og nemandi í vinijóga í 4 áratugi. Paul var náin nemandi Desikachar í 25 ár. Fyrstu kynni Pauls af Desikachar var árið 1974, það var hinsvegar ekki fyrr en árið 1979 að Paul byrjar sitt nám sem nemandi Desikachar. Það ár fór hann til Indlands til að nema með Desikachar, hann dvaldi 2 ár í stöðugu námi. Paul dvaldi að meðaltali 2-3 mánuði á ári með Desikachar og nam vinijóga ásamt, ayurveda, yoga sutra, vedíska kyrjun og öðrum tengdum fræðum. Allt hans nám með Desikachar var í einstaklingsmiðaðri þjálfun.

Paul stofnaði sinn fyrsta jóga skóla árið 1981 í Bath, Center for yoga studies. Paul kenndi, þjálfaði og hafði umsjón með þúsundum iðkenda sem annaðhvort komu til hans sem nemendur í sinni persónulegu iðkun, eða þeir sem höfðu áhuga á að kenna jóga. Paul kom með vinijóga til Bretlands, hann var leiðandi afl í þjálfun jógakennari og hannaði átta ára kennslunám þar sem hann ústkrifaði fjöldan af kennurum, samtökin AYS urðu til í kringum hans kennaranám. Árið 2006 gaf hann upp sitt hlutverk innan samtakanna og einbeitti sér frekar að þjálfun nemanda og kennara í smærra samhengi.

Árið 2011 fór Paul aftur að sínum uppruna í kennslu, þar sem hann einbeitir sér að litlum námshópum og/eða ítarlegu námi í einstaklingsmiðaðri þjálun. Talya og Gummi hafa verið í læri hjá Paul síðan 2014. Sjá vefsíðu Paul.